বিয়ার কয়দিন যাইতেউ,
খালি কাঁটা আর কাঁটা।
আমি অভাগীর কপাল,
বইনগো আসলেউ ফাঁটা।

হড়ি মাইয়ে খোঁটা দেইন,
আমি বুলে গরীবর ফুড়ি।
বিয়ার সময় দিছওইন না,
বাফে মাল বোঝাই করি।

জামাই থাকওইন বারে বারে,
হক্কল সময় ঘরো আইন না।
আমি বুলে রুপসী নায়,
দেখতে ভালা ফাইন না।

ননদ দেউরে জেং মারওইন,
কিতা রান্ধো ছালম।
রানতে রানতে কমর খুয়াইলাম,
কেউ লাগাই দেয়না মলম।

আমার বাবার চউখর পানি,
ফুরাইযার ফুড়ি বিয়া দিয়া।
কওছাই কেমনে যাইতাম,
আবার বাফর বাড়ির ফিরিয়া?

গরীবর ঘরো জন্ম লইয়া,
কোন পাপ করিছি।
আল্লারেবা তোমার দুনিয়াত,
বেটি অইয়া ঠেকিছি।

Spread the love

Leave a Reply

Your email address will not be published. Required fields are marked *