লন্ডনী বুয়াই দেশো আইছন,
ফুয়া ফুড়ি লগে লইয়া।
বুয়াইর দিলখান বড় ভালা,
মাইনষর চিন্তা করওইন বইয়া।

আড়ি ফড়ি কত আছওইন,
বুয়াইর লগে দেখা করতা।
খুশ মিজাজে মাতওইন বুয়াইয়ে,
লইন হকলর খবর বারতা।

কাপড় চোপড় সাবন,ক্রীম,
দিরা হকলরে বাটিয়া।
গাঁওর মাইনষে খুশি অইয়া,
দোয়া কররা বুয়াইর লাগিয়া।

কার ফুড়ি বিয়ার লাখ,
কে আছওইন বেফানাত।
মায়ার বুয়াইয়ে সাইয্য কররা,
ভরিয়া তান দুই হাত।

অল্প বয়সে বিধবা অইয়া,
বুয়াই আইছলা লন্ডন।
সান ডিমাখ নাই বুয়াইর,
আল্লায় দিছে তানরে ধন মন।

কত দেখলাম লন্ডনী গো,
বুয়াইর লাখান ইলান নায়।
এরলাগি পাড়া পড়শী হকলে,
আমার বুয়াইর গুণ গায়।

Spread the love

Leave a Reply

Your email address will not be published. Required fields are marked *