সাধ করি আনলাম বইনজি
ফুয়া বিয়া দিয়া।
দুইদিন যাইতেউ বদলি গেলো
দুখ কইতাম কারে গিয়া।

মই তইয়া হড়ি ডাকে
সয় সম্মান করেনা
ডাকর লগে তাইরে
একবার কান্দাত মিলেনা।

দেশর ফুড়ি বিদেশ আনলাম
সেবা যত্ন করবো
নরম ছরম অইয়া তাই
আমার কথায় চলবো।

মাত জানতনা পথ চিনতনা
ইস্কুলও ভর্তি করাইলাম
ঘরর বারে পাঠাইয়া
আমার সর্বনাশ ডাকিলাম।

অখন দেখি আমার উপরে
দুনিয়া চিনে তাই
দুইদিন পরে কামও ঢুকিয়া
করে কিজাত বড়াই।

দেশী খানি খায়না অখন
ফার্স্ট ফুড ভালা পায়
দুই দিন পর পর ফুয়ারে লইয়া
রেস্টুরেন্টও খাইতে যায়।

আমার ফুয়া পয়লা কইলো
দেশী ফুড়ি বিয়া করতো না
অখন দেখি অমন মজলো
আমারে আর চিনেনা।

Spread the love

Leave a Reply

Your email address will not be published. Required fields are marked *